नील पट्टीकेँ क्लीक कए कs ब्लॉगक सदस्य बनल जाउ

जय मिथिला जय मैथिली

रचना मात्र मैथिलीमे आ स्वम् लिखित होबाक चाही। जँ कोनो अन्य रचनाकारक मैथिली रचना प्रकाशित करए चाहै छी तँ मूल रचनाकारक नाम आ अनुमति अवश्य होबाक चाही। बादमे कोनो तरहक बिबाद लेल ई ब्लॉग जिमेदार नहि होएत। बस अहाँकें jnjmanu@gmail.com पर एकटा मेल करैकेँ अछि। हम अहाँकेँ अहाँक ब्लॉग पर लेखककेँ रूपमे आमन्त्रित कए देब। अहाँ मेल स्वीकार कएला बाद अपन, कविता, गीत, गजल, कथा, विहनि कथा, आलेख, निबन्ध, समाचार, यात्रासंस्मरण, मुक्तक, छन्दबद्ध रचना, चित्रकारी आदि अपन हाथे स्वं प्रकाशित करए लागब।

सोमवार, 5 मार्च 2012

होली स्पेसल २१ टा हुरदंग शेर

एक साथ होली स्पेसल २१ टा हुरदंग शेर द रहल छी जकरा परंपरागत रूप सन ऍम घर में गायन होई यै \
होली मे किछु अलगे तरहक शेर साब गाओल जाइ छै ।किछ शेर हम द रहल छी ।जँ कत्तौ कोनो शब्द नीक लागैए त क्षमा चाहब । ।
{सारा रा रा //8 । वाह भाइ वाह //8 बेर वा अपन तरीका सँ सब शेर मे लगा लेब }
{1} होली मेँ रंग बरसै, उड़ै अबीरा
(पहिल शेरक अन्त वाला आधा भाग सब मे दोहराएब) मुँह किय तुम्मा केने गाबू जोगीरा । ।
सा रा रा रा रा रा रा हो भैया धीरे भ जा हो भैया (सब शेर में द सके छी )
{2} आमक पत्ता छोट होइ छै, पैघ केला कए पत्ता
बुढ़बा लाठी ल' क' दौगल, खसलै बड़का खत्ता । ।
सा रा रा रा रा रा रा हो भैया धीरे भ जा हो भैया
{3} सगरो अन्हार पसरल , डुबि रहल छै देश
बाबा जी पड़ा रहल छथि ध' नारी कए भेश । ।
सा रा रा रा रा रा रा हो भैया धीरे भ जा हो भैया
{4} केऊ पिबै भांग दारू ,केऊ पिबै यै ताड़ी
नटुआ बनि नाचि रहल छै दियौ जोड़ा साड़ी ।
सा रा रा रा रा रा रा हो भैया धीरे भ जा हो भैया
{5}मौगी भेलै मुखिया ,आ बनलै प्रधान
मनसा करै उठक-बैठक पकड़ै छै कान । ।
सा रा रा रा रा रा रा हो भैया धीरे भ जा हो भैया
{6}हुलुत-बुलुक कुदैत-फानैत ,सासुर सब पहुँचल
ऊहो ठाम मारि पड़लै गाल दुनू फुलल
सा रा रा रा रा रा रा हो भैया धीरे भ जा हो भैया
{7}उड़लै खुब एरोपलेन ,हावाजहाज
उड़बै हमरा कनियाँ देखू करी सब काज
{8} ऐ दफ्तर ओइ दफ्दर ,करी दौड़ा-दौड़ी
गामक छौड़ा संग भागलै गामे कए छौड़ी
सा रा रा रा रा रा रा हो भैया धीरे भ जा हो भैया
{9} कुत्ता गदहा गाय भैँस ,सब कए होइ छै नंगरी
भौजी संग होली खेलै मे टूटि गेल टंगरी
{10}गाम छोड़ि शहर गेलै ,शहर छोड़ि विदेश
हकन कानै छौड़ा सब छोड़ि अपन देश ।
{11}मुखिया कए करिखा लागलै ,तैयो नाचै छैँया-छैँया
घोरि क' पि गेलै इंदरा आवास वाला रूपैया । ।
सा रा रा रा रा रा रा हो भैया धीरे भ जा हो भैया
{12}कुरती-सलबार केऊ नै पहिरै ,पहिरै छै जींस
मोछ कटा छौड़ा सब लागै अलच्छे प्रिँस
सा रा रा रा रा रा रा हो भैया धीरे भ जा हो भैया
{13}राति विधायक जीक ,घर मे लागलै आगि
मुखिया जीक कनियाँ गेलै चमचा संग भागि
सा रा रा रा रा रा रा हो भैया धीरे भ जा हो भैया
{14}सारि सँ रंग लगेबै ,सरहोजि सँ पिबै भांग
सार बुढ़बा की करतै खीच देबै टाँग
सा रा रा रा रा रा रा हो भैया धीरे भ जा हो भैया
{15}बहकल छै ढोल वाला ,मातल सब लोग
दारू पिनाइ भ गेलै एड्स बाला रोग
सा रा रा रा रा रा रा हो भैया धीरे भ जा हो भैया
{16}भिरहा मे नाच भेलै ,भुतहा मे उड़लै पैसा
रोसड़ा मे देख भाई जाम लागल कैसा
सा रा रा रा रा रा रा हो भैया धीरे भ जा हो भैया
{17} नेना सब करै ,दोकान पर नोकरी
नशा करै लए बाप लगेलक बेटा कए फसरी
सा रा रा रा रा रा रा हो भैया धीरे भ जा हो भैया
{18}प्रेम मे पागल भ' क' ,मुन्ना खेलक जहर
मुन्ना कए दोस्त कए बनेलकै छौड़ी शौहर
सा रा रा रा रा रा रा हो भैया धीरे भ जा हो भैया
{19}तमाकुल होइ छै करू आ ,चिन्नी होइ छै मिठ
लैते जनम आइ-काल्हि बच्चा भ जाए ढिठ
सा रा रा रा रा रा रा हो भैया धीरे भ जा हो भैया
{20} दरभंगा मे दंगा भेलै ,रन्नी मे उड़लै ओढ़नी
समस्तीपुर मे आबिते सब कए काटि लेलकै बिढ़नी
सा रा रा रा रा रा रा हो भैया धीरे भ जा हो भैया
{21} बान्हि ले झालि-ढोल ,आ मंजीरा मित
जोर सँ बाज सा रा रा रा खतम भेलै गीत ।
बोल बोल रे सा रा रा रा रा रा रा रा रा रा रा . . . । ।
एकरा होली अहन सब गायब से आशा अछि
सब रंगक शेर सँ भरल बाल्टी अपने सबहक लेल । खराप नै मानब होली छै । ।
अमित मिश्र

कोई टिप्पणी नहीं:

एक टिप्पणी भेजें